יעלה יעלה בואי לגני הנץ הרמון

יַעֲלָה יַעֲלָה בּוֹאִי לְגַנִּי / הֵנֵץ רִמּוֹן פָּרְחָה גַּפְנִי

יָבוֹא דוֹדִי יָחִישׁ צְעָדָיו / וְיֹאכַל אֶת פְּרִי מְגָדָיו
אִם יְדִידִי אָרְכוּ נְדוּדָיו / אֵיךְ יְחִידָה אֵשֵׁב עַל כַּנִי

שׁוּבִי אֵלַי, אַתְּ בַּת אֲהוּבָה / שׁוּבִי אַתְּ, וַאֲנִי אָשׁוּבָה
הִנֵּה עִמִּי זֹאת אוֹת כְּתוּבָה / כִּי בְּתוֹכֵךְ אֶתֵּן מִשְׁכָּנִי

רֵעִי, דּוֹדִי, נַפְשִׁי פָּדִיתָ / וּלְבַת מֵאָז אוֹתִי קָנִיתָ
עַתָּה לִי בֵין עַמִּים זֵרִיתָ / וְאֵיךְ תֹּאמַר כִּי אֲהַבְתָּנִי

אֲיֻמָּתִי, לְטוֹב זֵרִיתִיךְ / וְלִתְהִלָּה וּלְטוֹב שָׂרִיתִיךְ
כִּי אַהֲבַת עוֹלָם אֲהַבְתִּיךְ / עַל כֵּן אוֹשִׁיבֵךְ עַל דּוּכָנִי

לוּ יְהִי כִדְבָרְךָ, יְדִידִי / עַתָּה מַהֵר תֶּאְסֹף נְדוּדִי
וּלְתוֹךְ צִיּוֹן נְחֵה גְדוּדִי / וְשָׁם אַקְרִיב לָךְ אֶת קָרְבָּנִי

חִזְקִי רַעְיָה חִכֵּךְ כְּיֵין טוֹב / כִּי צִיץ יִשְׁעִי רַעֲנָן וְרָטֹב
וּלְסִירַיִךְ אֶכְרוֹת וְאֶחְטֹב / וְחִישׁ אֶשְׁלַח לָךְ אֶת סְגָנִי