שוכנות בשדה

שׁוֹכַנְתְּ בַּשָּׂדֶה / עִם אֹהֳלֵי כוּשָׁן
עִמְדִי לְרֹאשׁ כַּרְמֶל / צַפִּי לְהַר בָּשָׁן

לַגַּן אֲשֶׁר נֶחְמַס / כַּלָּה שְׂאִי עֵינֵךְ
וּרְאִי עֲרוּגָתֵךְ / כִּי נִמְלְאָה שׁוֹשָׁן

מַה לָּךְ יְפֵה עַיִן / כִּי תַעֲזוֹב גַּנִּי
לִרְעוֹת בְּגַן יָקְשָׁן / תַּחַת עֲצֵי דִישָׁן

הָבָה רְדָה לַגַּן / תֹּאכַל מְגָדִים שָׁם
וּבְחֵיק יְפַת עַיִן / תִּשְׁכַּב וְגַם תִּישַׁן